Redmi Note 12 серијата ќе пристигне на 27. октомври, а Хiaomi ќе претстави три нови смартфони. Redmi Note 12, Note 12 Pro и Note 12 Pro+ ќе ги покренува MediaTek Dimensity 1080, првиот чипсет од средна класа кој поддржува камери со резолуција од 200 MP.
Xiaomi потврди дека Redmi Note 12 Pro ќе содржи главен сензор Sony IMX 766 од 50 MP со димензии 1/1,56”, кој ќе има 2 микрометри комбинирани пиксели. Се очекува Redmi Note 12 Pro+ да биде моделот што ќе го искористи максимумот од Dimensity чипсетот и ќе има камера од 200 MP.
Покрај камерите и чипсетот, интересно е што моделите ќе доаѓаат со полначи од 67 W, 120 W и 210 W, како и тоа дека најмоќниот модел ќе има заоблен AMOLED екран, пренесува GSM Arena.
