Vivo веќе има добра традиција во партнерството со Zeiss, како технологиите на компанијата користени во некои од флегшип смартфоните на кинеската компанија. Тие ќе бидат дел и од претстојната серија X90.
Фокусот ќе биде на подобрувања во две главни насоки, портрет и ноќни снимки. Во срцето на подобрувањата е оптичкиот систем, кој користи леќи и облоги за да постигне подобрување во односот сигнал-шум. True Color Restoration Engine потоа ги одредува точните вредности на балансот на белата боја.
Технологијата Ultra-Clear Image Quality Engine се базира на виртуелен модел на објективот за враќање на околу 35% од информациите загубени поради оптичката нестабилност. Се потпира на мулти-рамковниот режим за подобрување на квалитетот на сликата и динамичниот опсег.
За пореално прикажување на сцените, постои и систем за мерење на осветленоста и температурата на бојата. Системот дизајниран за портретни снимки е поделен на три дела. Првиот дел е насочен кон препознавање на сцената и откривање до 103 точки на лицето, земајќи ја предвид позата. Следува машинско учење за разубавување и прилагодување на позадината.
Другиот посебен подсистем е за фотографирање при слаба осветленост. Максималната чувствителност е двојно зголемена, достигнувајќи ISO 102.400. Системот може да го сними ѕвезденото небо без статив или долга експозиција.
Сензорот во следната генерација на водечки смартфони ќе има 77% поголема осетливост на светлина од ISOCELL GNV во X80. Zeiss додава и нов објектив за портрет режим од 50 мм. Има и нов енџин за забрзување кој ги подобрува задачите на длабокото учење и компјутерскиот вид. Сето ова ќе доведе и до подобрување на снимањето видео. Новиот прилагоден чип ќе може да постигне 16,3 трилиони операции во секунда (TOPS) по ват.
Во продолжение примери на фотографии креирани со претстојната vivo X90 серија:
