Лансирањето на возилото под брендот Evolute се одржа кон крајот на септември во западниот регион Липек, а почетната цена на автомобилот изнесува околу 50.000 долари.
Во Русија почна продажбата на првиот електричен автомобил произведен во таа земја, објави производителот MotorInvest, јавува Anadolu Agency (AA).
„MotorInvest го најавува почетокот на продажбата на руските електрични возила Evolute. Ова се првите електрични возила произведени во Русија за руските потрошувачи. Моделот на линијата Evolute, седанот i-Pro, веќе е достапен за купување“, се вели во соопштението на компанијата.
Лансирањето на првите електрични возила од руско производство под брендот Evolute се одржа на крајот на септември во западниот регион Липецк.
Електричен мотор од 150 коњски сили
Evolute I-Pro лимузината е првиот модел што излезе од производната линија, а моделот е опремен со влечна батерија со капацитет од 53 киловати (kW) и постигнува домет до 420 километри. Електричниот мотор има 150 коњски сили.
Почетната цена на автомобилот е три милиони рубли (околу 50.000 долари). Продажната мрежа на MotorInvest опфаќа девет региони на Русија: Москва, Санкт Петербург, Нижни Новгород, Казан, Воронеж, Липецк, Краснодар, Ростов на Дон и Сочи.
MotorInvest планира до крајот на годината да ги пушти во продажба кросоверот iJoy и моделите на миниван iVan. Моделите ќе чинат 3,49 милиони рубли, а i-Jet крос-купето ќе се појави во 2023 година.
Севкупно, до крајот на годината компанијата има намера да произведе 2.000 електрични возила.