Глечерите ширум светот, вклучувајќи ги и последните во Африка ќе исчезнат до 2050. година поради климатските промени, соопшти УНЕСКО.
Глечерите во Доломитите во Италија, Националниот парк Јелоустоун во САД и на планината Килиманџаро во Танзанија веројатно ќе исчезнат до 2050 година, објави УНЕСКО. Заедно тие покриваат околу 66.000 квадратни километри и сочинуваат околу 10% од светската површина на глечери.
Една третина од глечерите кои се заведени како светсло наследство во УНЕСКО дотогаш ќе исчезнат како резултат на глобалното затоплување, се вели во извештајот кој вчера го објавија УНЕСКО и Светската унија за заштита на природата.
Постојат околу 18.600 глечери распоредени на 50 различни светски наследства ширум светот, покажуваат податоците. Тие глечери веќе губат по 58 милијарди тони мраз секоја година, а од 2000 година наваму побрзо се топат поради се поголемата емисија на CO2.
Дугите 2/3 од останатите глечери во светот кои се сметаат за светско наследство се уште може да се спасат ако се направат поголеми напори во борбата со климатските промени за да се ограничи порастот на температурата на помалку од 1,5 степени Целзиусови во однос на прединдустриската доба.
Експертите тврдат дека само радикални мерки и голем глобален политички ангажман може да го задржи порастот на температурата под 1,5 степени Целзиусови.
Главната директорка на УНЕСКО, Одри Азулеј, го опиша извештајот како повик за преземање акција во борбата против климатските промени во пресрет на климатската конференција COP27 во Египет.
