Возилата се дизајнирани како трамвааи, но ја нудат флексибилноста за градските автобуси
Во согласност со „зелените планови“,Transport for London (TfL) се обврза да го замени целиот постоечки автобуски возен парк со електрични автобуси до 2034 година, иако ќе се обиде да ја постигне оваа цел уште порано, до 2030 година. Во моментов има околу 850 електрични автобуси на патиштата во британската метропола, а од следната година на релацијата 358 ќе им се придружи уште едно интересно возило, футуристички дизајниран електричен автобус.
Автобусите ќе сообраќаат на релација Кристал Палас и Орпингтон и ќе ги полнат батериите на постојките, а најинтересно е тоа што времето за полнење треба да биде само 10 минути. Така, кога автобусот ќе пристигне на постојката, ќе се поврзе со специјален систем за брзо полнење, и додека да дојде време за повторно заминување, батеријата ќе биде полна.
Game-changing.
As a part of our commitment to making London greener for everyone, @TfL are introducing 20 new emission-free electric buses in 2023—and they only take 10 minutes to charge.
I look forward to seeing these new buses in action. https://t.co/XLMf6yJ66r
— Mayor of London, Sadiq Khan (@MayorofLondon) November 1, 2022
Автобусите се купени од шпанската компанија Иризар, која ги опишува како возила кои се дизајнирани како трамваи (велат дека се направени како трамваи според изгледот и внатрешна конфигурација), но кои ја овозможуваат флексибилноста на градските автобуси. Достапни се во верзии од 12 до 18 метри со максимален капацитет од 155 патници. По лондонските патишта ќе вози 12-метарска верзија со автономија до 350 километри, која собира до 105 патници.
Патниците имаат пристап и до USB полначи за мобилни телефони и таблет уреди, WiFi мрежа, копчиња погодни за слепи и слабовидни лица и прегради за багаж. TfL вели дека оваа комбинација на трамвај и електричен автобус на рутата 358 е само пилот проект, кој доколку биде успешен, ќе се прошири и на другите линии на јавниот превоз во Лондон.