Компанијата Honor, која во последно време претставува се подобри и поинтересни телефони, се подготвува да претстави нова генерација на своите флегшип модели, базирани на Honor Magic 5, наследникот на минатогодишниот модел Magic 4 Pro, а покрај него ќе биде објавен и Pro модел и Prestige Edition.
Според информациите објавени од Gizmochina, кои неодамна протекоа на мрежата Weibo, Magic 5 ќе има Snapdragon 8 чипсет од втората генерација поврзан со 8 или 12 GB LPDDR5x RAM и 256 или 512 GB UFS 5.0 простор за складирање. Батеријата на Magic 5 ќе има 5.000 mAh и ќе доаѓа со полнач од 66 вати, додека Pro и PE ќе имаат батерии од 4.800 mAh и полнач од 100 W.
AMOLED екранот има голема дијагонала од 6,8 инчи, но и LTPO матрица која овозможува освежување во опсег од 1 до 120 Hz. Екранот ќе има осветленост од 1100 нита, што е во класата на водечките OLED екрани, како и сертификат HDR10+ и вграден сензор за отпечатоци под екранот.
Камери
Системот на камери кај Magic 5 ќе се потпира на три сензори: главна камера од 54 MP (Sony IMX800) + 50 MP (Sony IMX578) + 64 MP (OmniVision OV64B). Magic 5 Pro ќе има нова главна камера Sony IMX878 со OIS, споменатата камера од 64 MP OV64B и Sony IMX516 ToF сензор.
Prestige Edition ќе го има најмоќниот Sony IMX989 сензор во својата главна камера со OIS (како Xiaomi 12S Ultra), Sony IMX758 од 50 MP, друга неименувана камера и ToF сензор. Предната камера на сите модели ќе биде 13 MP (Sony IMX688).
Само Magic 5 ќе поддржува 2D отклучување со лице, додека другите два модела ќе поддржуваат 3D препознавање на лицето за напредна биометриска безбедност. Сите три модели ќе нудат 5G, Wi-Fi 7, Bluetooth 5.2, NFC, USB 3.1, Dolby стерео звучници и Android 13 со Magic UI 7.0.
Honor Magic 5 и Magic 5 Pro ќе имаат метално куќиште со стакло на екранот и задната страна, додека Prestige Edition ќе има нано-керамичка заштита. Magic 5 е сертифициран за IP54, додека Pro и PE имаат понапредна отпорност на IP68 на надворешни услови.
Цени
Протечените информации наведуваат дека Honor Magic 5 ќе доаѓа во варијанти со 8/256GB, 12/256GB и 12/512GB кои ќе чинат 696/751/862 долари. Pro моделот ќе доаѓа во истите мемориски комбинации со цени од 835/891/1000 долари, додека Honor Magic 5 Prestige Edition ќе пристигне само со 12 GB RAM и 512 GB простор за складирање податоци по цена од 1.113 долари.