Microsoft не се откажува од идејата рекламите да бидат составен дел од корисничкото искуство на Windows.
Концептот на реклами во Windows отсекогаш бил контроверзен, посебно затоа што многу корисници сметаат дека кога еднаш ќе платат за некој производ, Microsoft веќе нема право да ги бомбардира со реклами.
Иако ова е погрешен пристап (бидејќи корисниците плаќаат за правото на користење на Windows, а не за сопственоста на софтверот), рекламите никогаш не беа добро прифатени.
Сепак, Microsoft не изгледа премногу оптоварен со ова. Софтверскиот гигант сега експериментира со нови идеи, кои ќе внесат нова доза на фрустрација кај корисниците.
Albacore сподели скриншот на Twitter, кој прикажува реклама во Start менито. Рекламата се однесува на OneDrive и им препорачува на корисниците да ги преместат своите важни податоци во облак.
Do we really need to stuff OneDrive promos in the user session flyout? Anything for that sweet sweet KPI 😭 pic.twitter.com/ZsQGmkntDS
— Albacore (@thebookisclosed) November 6, 2022
Microsoft сè уште официјално не го објави воведувањето на оваа промена, бидејќи компанијата засега само експериментира со идејата за рекламирање.
Сепак, многумина веруваат дека постојат големи шанси Microsoft да ја спроведе оваа контроверзна одлука и да ја пренесе идејата за реклами на повеќе уреди.