Според првите информации кои протекоа на Weibo мрежата, на премиерата требаше да видиме три модели на Magic 5, но се чини дека оваа информација е неточна и дека Honor за 23 ноември подготвува нова генерација од флексибилната Magic V серијата – Magic Vs моделот.
Во официјалното соопштение на компанијата не беа откриени многу информации освен името на уредот, но доколку Magic V го следи она што го прикажаа неговите претходници, ни претстои возбудлив крај на годината, барем кога станува збор за уредите со флексибилни екрани.
Една од најдобрите карактеристики на Magic V серијата, претставена пред само девет месеци, е тоа што, како и Xiaomi Mix Fold, има димензии на нормален, малку подебел телефон кога е преклопен. Ова е исклучително важно, бидејќи најчесто ќе го користите вашиот преклопен смартфон кога е затворен.
Во секој случај, Honor Magic Vs ќе биде претставен на 23 ноември, а бидејќи Honor започна со информациите, очекуваме да дознаеме повеќе за овој интересен уред во следните денови. Кој знае, можеби на оваа премиера ќе биде претставена и Magic 5 серијата.