Компанијата Realme претходно овој месец го претстави Realme 10 5G во Кина, кој пристигна со Dimensity 700 чип. Оваа компанија денеска на домашниот пазар претстави уште два члена од Realme 10 серијата – Realme 10 Pro и Realme 10 Pro+.
Realme 10 Pro
Realme 10 Pro го покренува Qualcomm Snapragon 695 чип, кој доаѓа во комбинација со до 8 GB LPDDR4x RAM и до 256 GB UFS 2.2 простор за складирање.
Предниот дел на смартфонот е покриен со рамен IPS LCD екран со дијагонала од 6,7-инчи и доаѓа со поддршка за Full HD+ резолуција. Стапката на освежување на екранот е 120 Hz, а предната камера со сензор од 16 MP се наоѓа во горниот централен дел. На десната страна има скенер за отпечатоци.
Realme 10 Pro има две камери на задната страна – главна камера од 108 MP и макро камера од 2 MP. Под хаубата на смартфонот се наоѓа батерија од 5000 mAh со поддршка за брзо полнење од 33 W.
Цените на телефонот се следни:
- 8GB RAM-a + 256GB – 224 долари.
- 12GB RAM + 256GB – 266 долари.
Realme 10 Pro+
Овој модел го покрекува MediaTek Dimensity 1080 чипсет. Работи со Android 13, кој е прекриен со UI 4.0 интерфејсот на Realme.
Телефонот има заоблен AMOLED екран со стапка на освежување од 120 Hz. Под екранот има скенер за отпечатоци.
И овој модел има батерија од 5000 mAh, но со поддршка за брзо полнење од 67 W. Покрај главниот сензор од 108 MP, смартфонот има и два дополнителни сензори на задната страна. Предниот дел го има истиот сензор како и обичниот Realme 10 Pro.
Цените на Realme 10 Pro+ се следни:
- 8 GB RAM-a + 128 GB – 238 долари
- 8 GB RAM-a + 256 GB – 280 долари
- 12 GB RAM + 256 GB – 322 долари