JustWatch е веројатно најпопуларната апликација која всушност е мобилен водич низ филмовите и сериите што може да се гледаат на бројните стриминг сервиси, а од една страна го олеснува пронаоѓањето на содржини што вреди да се гледаат, како и на која стриминг услуга се достапни
Како што некогаш беа популарни печатените изданија на ТВ водичи, без кои навигацијата низ огромниот број на кабелски и сателитски канали беше речиси невозможна, денес мобилните водичи стануваат популарни преку зголемениот број услуги за стриминг. Еден од најдобрите и моментно најпопуларни е JustWatch.
Покрај тоа што може да нуди лични препораки и да ви овозможи брзо да дознаете што е ново на стриминг платформите од кои се консумираат содржините (поддржани се голем број платформи и сите оние што им се достапни и на локалните корисници), постои и можноста за пребарување.
На овој начин, многу е лесно да се открие на која стриминг платформа може да се погледне некој филм или серија и да се филтрира содржината според различните платформи. Покрај тоа, добро е и тоа што може да се изберат само одредени платформи и да се постави соодветната земја за да се прелистува и пребарува соодветниот каталог.
JustWatch ви овозможува и да креирате сопствени листи за гледање, има дополнителни опции за филтрирање на содржината што се наоѓаат во каталозите на стриминг платформата (можно е да се филтрира по година на издавање, жанрови, земја на производство, времетраење итн.).
JustWatch се издвојува со пријатниот интерфејс и практични ситници, па едноставно се наметнува како идеален асистент за полесно следење на се што е достапно на популарните платформи за стриминг. Основната верзија на апликацијата е бесплатна, но за уште повеќе функции потребно е да се плаќа претплата од две и пол евра месечно за Pro верзијата.
Мобилната апликација JustWatch може бесплатно да се преземе од Play Store за Аndroid и AppStore за iOS.