ASRock комплетот на страничните панели е исклучително едноставен, се состои од IPS екран од 13,3 инчи со формат 16:9 и видлива површина создадена од хоризонтала од 294 mm и вертикала од 165 mm. Екранот е обложен со слој против отсјај и LED позадинско осветлување со максимална осветленост од 300 cd/m2 и статички сооднос на контраст од 800:1. Може да прикажува до 16,7 милиони бои (8-битни) и има стапка на освежување од 60 Hz. Што е најважно, екранот доаѓа со Full HD резолуција од 1920×1080 пиксели.
Што се однесува до неговата намена, дисплејот има смисла во случај кога недостасува работен простор за дополнителен монитор. Ако веќе го чувате куќиштето на маса и имате неискористена странична површина што може да се користи за екран од 13,3 инчи прицврстен на страничниот панел на куќиштето, тоа значи дека не мора да се задоволите само со гледање во хардверот или RGB LED диодите и светлосните ефекти кои со текот на време знаат да здосадат.
Иако оваа опција ги таргетира првенствено потребите на гејмерската популација, без проблем може да се користи како класичен секундарен екран за креативна работа. Единствено што морате е постојано да ја движите главата на страна за да видите што се случува на другиот екран. За продуктивни корисници со ограничен простор, ова решение сепак обезбедува вреден дополнителен простор на работната површина бидејќи можат да отвораат и стартуваат дополнителни апликации на вториот екран.
Во пакувањето на ASRock странични панели доаѓа и дополнителен eDP кабел, 2 екстра долги држачи, 2 кратки држачи, дополнително двојно велкро и 5 штипки за кабли, за да бидете сигурни дека панелот е добро прицврстен на куќиштето и каблите лесно да се кријат за да не не прави хаос. Има само неколку матични плочи кои имаат eDP конектор и тоа се модели на ASRock, што е многу важен детал во однос на употребата на овој додаток бидејќи до денес никој нема издадено „eDP to DP“ адаптер:
– Z790 LiveMixer
– Z790 Pro RS/D4
– Z790M-ITX WiFi
– Z790 Steel Legend WiFi
– Z790 PG Lightning
– Z790 Pro Rо
– Z790 PG Lightning/D4
– H610M-ITX/eDP
– B650E PG-ITX WiFi
Забележувате дека се работи за модели за Intel платформата. Овој интересен додаток во моментов може да се најде на Amazon за 118 фунти, а исто така е достапен на одредени азиски пазари за 150 американски долари. Пореално е неговата цена да биде околу 100 евра, за да може да наиде на поголем интерес кај купувачите, иако цената сигурно нема да биде проблем за корисниците кои немаат доволно простор и имаат потреба од друг екран.