Малку поинаквата социјална мрежа, чија цел е реално да ги претстави корисниците и она што тие го прават во одреден момент, ја доби годинашната награда за најдобра апликација во App Store на Apple.
Apple, веќе традиционално, кон крајот на годината ги прогалси најдобрите дела од својата продавница за апликации. App Store Awards 2022 оваа година истакнува 16 апликации и игри кои ја одбележале годината, ги инспирирале корисниците, ја поттикнале нивната имагинација и им овозможиле да останат поврзани со пријателите и саканите. Уредничкиот тим на Apple ги избра најдобрите апликации меѓу повеќе од 3,5 милиони кои моментно се достапни во својата официјална продавница.
„Годинашните добитници на награди го сменија нашето искуство со апликации кои донесоа свежи, внимателни и автохтони перспективи“, рече Тим Кук во оваа прилика. Како најдобра мобилна апликација за iPhone оваа година, Apple ја издвои BeReal, социјалната мрежа која има за цел да ги прикаже корисниците во автентични ситуации.
Поинаква социјална мрежа
На BeReal, еднаш дневно сите корисници добиваат известување, а потоа имаат само две минути да снимат фотографија, а во исто време и селфи. Ова им дава на сите ваши пријатели увид во тоа каде сте, што правите и како изгледате во тој момент – а истото можете да го видите и за нив. Токму оваа автентичност и реализам на оваа социјална мрежа, наспроти „вештачките“ искуства на другите мрежи, му ја донесе на BeReal престижната награда на Apple. BeReal забележа повеќе од 55 милиони преземања оваа година со огромен раст на бројот на корисниците.
Од останатите, наградени се фитнес асистентот Gentler Streak како најдобра апликација за Apple Watch, апликацијата за цртање и пишување GoodNotes 5 како најдобро решение за iPad и MacFamilyTree 10 како најдобра апликација за macOS. Најдобрата апликација за Apple TV е ViX.
Најдобра мобилна игра на годината Apex Legends Mobile за iPhone. Moncage ја освои истата награда во категоријата игри за iPad. Inscryption беше прогласена за најдобра игра за Mac, а El Hijo за Apple TV платмормара. Најдобрата игра во рамките на Apple Arcade сервисот е Wylde Flowers.
BeReal е алтернатива на Instagram, но имате само две минути за објавa (ВИДЕО)