Продажбата на Pixel 7 и 7 Pro веќе започна, па време е да се фокусираме на следниот смартфон на Google кој се очекува во следните месеци, а се работи за Pixel 7a. Уредот по пониска цена ќе понуди многу од можностите на неговите поскапи врсници, што несомнено ќе ги придобие неговите фанови. Додека ја чекаме неговата официјалната презентација, веќе можеме да видиме како ќе изгледа.
Благодарение на компјутерски генерираните рендери на OnLeaks и Smartprix, може да се забележи дека Google ќе го користи дизајнерскиот јазик од серијата Pixel 7 со карактеристичниот распоред на главната камера. Според информациите, димензиите на куќиштето ќе бидат 152,4 x 72,9 x 9 мм, што ќе го направи малку поголем од Pixel 6a, но сепак ќе ги задржи димензиите компактни.
Засега не е јасно дали областа на главната камера ќе биде направена од метал или пластика за да се постигне пониска цена. Фотографиите покажуваат светла странична рамка додека сите бои на Pixel 6a имаа темна рамка. Според новите информации, уредот ќе биде достапен само во бела и темно сива боја. Може да се види и присуство на широки рамки околу дисплејот, кој има отвор за селфи камерата.