Заедно со паметните телефони од серијата Xiaomi 13, кинеската компанија претстави и нови производи во екосистемот на поврзани уреди.
Покрај Watch S2 и Buds 4, останатите нови уреди вклучуваат паметен звучник, водечки безжичен рутер и мини компјутер. Засега уредите се претставени само во Кина, но можно е некои од нив да се појават подоцна и на глобалниот пазар.
Xiaomi Sound Pro е паметен звучник кој вклучува седум звучници со вкупна излезна моќност од 55 вати со можност за обезбедување звук од 360 степени кој е збогтен со технологијата HARMAN AudioEFX. Уредот може автоматски да го менува активниот аудио профил помеѓу силен бас, балансиран и чист бас со анализа на содржината во апликацијата XiaoAi Speaker.
Другите можности на Xiaomi Sound Pro вклучуваат поврзување преку Bluetooth 5.1, Aux in и AirPlay 2, како и функција домофон за комуникација во реално време помеѓу различни звучници, паметни телефони, телевизори и други уреди – ова е корисно ако треба да се пренесе порака на другите членови на семејството без да ја напуштат просторијата. Xiaomi Sound Pro сега е во продажба во Кина по цена од околу 136 евра.
Xiaomi Router 10000 зазема водечка позиција во мрежното портфолио на компанијата, а според информациите нуди 20 проценти поголема брзина од претходната генерација. Рутерот со три појаси поддржува WAN/LAN брзини до 10 гигабити и вклучува четири-јадрен Qualcomm A73 чипсет, засилувач на сигнал со 12 канали, 2 GB меморија, два 10G порта, USB 3.0 и подобрен систем за дисипација на топлина. Функцијата NFC исто така е додадена за лесно поврзување. Xiaomi Router 10000 ќе се продава во Кина од 14 декември по цена од 245 евра.
Xiaomi Mini PC е компактен компјутер со тежина од 437 грама. Користи 12-јадрен Intel Core i5-1240P процесор со максимална фреквенција од 4,4 GHz, а вградениот графички систем е Intel Iris Xe. Меѓу другите карактеристики, се одликува со 16 GB DDR4 RAM и 512 GB PCle 4.0 SSD со можност за проширување до 32 GB RAM и 4 TB простор за складирање. Додаден е голем вентилатор со двојни топлински цевки за ефикасно ладење.
Уредот доаѓа со Windows 11, а според компанијата поддржува и други оперативни системи како Ubuntu, OpenWWRT, UNRAID и EXSI. Вклучени се и различни опции за поврзување, вклучувајќи Bluetooth 5.3 и Wi-Fi 6. Стандардната верзија на Xiaomi Mini PC е достапна за 545 евра, а верзијата без складирање фајлови е со цена од 408 евра. Продажбата започнува на 14 декември.