Се очекува Samsung да ја претстави својата флегшип серија Galaxy S23 во вториот месец на следната година. Досега дознавме многу детали за моделите од оваа серија, а вчера на интернет се појавија фотографии од лажни модели на претстојните уреди, кои го откриваат изгледот на телефоните.
Иако пред некое време се појавија рендери од Galaxy S23 уредите, сега добиваме и фотографии во живо. Навистина, се работи за лажни модели, но најверојатно дека вака всушност ќе изгледаат смартфоните.
Така на фотографиите забележуваме дека сите три уреди ќе имаат иста идеја кога станува збор за распоредот на камерите на задната страна. Всушност, Galaxy S23+ и Galaxy S23 ќе ја преземат таа идеја од Galaxy S23 Ultra, кој ќе ги следи стапките на својот претходник.
Сите три телефони имаат три сензори за камери во низа, без било каков модул. Galaxy S23 Ultra моделот има уште два камера сензори, кои другите два модели ги немаат. Кога станува збор за деталите за камерите, се очекува дека моделот S23 Ultra ќе има главна камера од 200 MP, додека тоа нема да биде случај кај другите два модели. Друга разлика е што само моделот Galaxy S23 Ultra ќе има дизајн во облик на кутија, додека Galaxy S23 и S23+ ќе имаат заоблен дизајн.