Со гордост Women In Tech Macedonia ве покануваат на предновогодишна хуманитарна забава со почеток во 21:00 часот на 22ри декември во Среќа бар.
„Во соработка со Ways2Help и Startup Macedoniа ја организираме оваа предновогодишна хуманитарна забава со што ќе донесеме насмевка на дечиња од социјално загрозени семејства во овој период каде сите би сакале да се израдуваме на подароци. Целта е да ја пренесеме онаа новогодишна атмосфера до секое дете и да го разубавиме периодот кој што следи и да украдеме насмевка на секое детско лице“. – велат од Women In Tech Macedonia.
Покрај можноста да се донира новогодишно пакетче, присутните ќе имаат можност и да ги поддржат социјално загрозените семејства и со други активности како: плаќање на онлајн сметки за струја и вода за социјално загрозени семејства (https://ways2help.us/#plati) и донација на стара употреблива облека која ќе биде донирана во “Копче”.
За повеќе детали придружете се на официјалниот настан.