Google Chrome е најпопуларниот веб-прелистувач во светот и е стандардно инсталиран на мобилните уреди со Android. Меѓу неговите главни конкуренти се Mozilla Firefox, Microsoft Edge, Brave и Apple Safari, кој доаѓа со производите на Apple.
Сепак, сите тие се еднакви кога станува збор за бенчмарк решенијата кои ги разликуваат нивните силни и слаби страни. Едно такво решение е Speedometer, коe беше создаденo во 2014 година од тимот на Apple Webkit. Неговото единствено посериозно обновување беше пред четири години, во 2018.
Сега тимот на WebKit ги здружува силите со своите колеги од Chrome и Firefox за да ја развие следната генерација на бенчмарк услугата Speedometer 3. Тоа е редок пример за соработка помеѓу инаку големите конкуренти.
Потсетуваме дека во март Google Chrome го престигна Safari како најбрз прелистувач во Speedometer.
