„Круната“ на Samsung Galaxy A серијата моментно ја држи моделот А73, но тоа би можело да се промени од следната година
Galaxy A серијата на Samsung е вообичаен избор за многу корисници, особено кога станува збор за модели како што се A53 и A73. Иако јужнокорејската компанија е свесна за тоа, се чини дека од следната година ќе ја „пензионира“ линијата на мобилни телефони A7x, па нема да има нов модел А74.
Имено, дека оваа гласина навистина би можела да биде вистинита говори и податокот дека веќе протекоа информации за претстојните Ax4 модело, но никаде не се споменува A74. Како што пренесува GSM Arena, ова е главен показател дека Samsung воопшто не го развива овој модел.
На тој начин, доколку A74 не ја види светлината на денот, „круната“ на А серијата ќе ја преземе претстојниот A54, кој ќе остави голем јаз меѓу најсилниот модел од А серијата и претстојните Galaxy S23 уреди. Според тоа, се претпоставува дека Samsung ќе го објави Galaxy S22 FE, но засега не е познато кога.
За потсетување, Galaxy S23 серијата треба да биде претставена на големиот настан Samsung Unpacked, кој се шпекулира дека ќе се одржи на 1 февруари следната. Иако локацијата на презентацијата не е позната, се „шушка“ дека настанот ќе биде одржан во Сан Франциско.