Samsung се очекува да ја претстави флегшип серијата Galaxy S23 во вториот месец од следната година. Добро познатиот дојавувач Ice Universe сега известува дека Galaxy S23 и Galaxy S23+ ќе имаат малку зголемен капацитет на батеријата во споредба со нивните претходници. За жал, брзината на полнење ќе остане идентична.
Инсајдерот наведува дека стандардниот Samsung Galaxy S23 ќе пристигне со батерија од 3900mAh со поддршка за брзо полнење од 25W. Ова е зголемување за 200mAh во однос на Galaxy S22.
Samsung Galaxy S22 Plus ќе има и 200 mAh поголема батерија во споредба со батеријата од 4700 mAh пронајдена кај претходниот модел. И Galaxy S22 и S22+ ќе пристигнат со поддршка за брзо полнење од 25 W.
Најмоќниот член на оваа серија, Galaxy S23 Ultra, ќе пристигне со истата батерија како и неговиот претходник. Станува збор за батерија од 5000 mAh со поддршка за брзо полнење од 45 W.
Дополнително, протекоа и првите промо фотографии од Galaxy S23 Ultra и Galaxy S23+. Вториот е прикажан во розова боја, додека S23 Ultra е прикажан во зелена боја.
Според некои информации, Galaxy S23 серијата би можела да биде претставена на самиот почеток на вториот месец од следната година, поточно на 1 февруари. Сепак, има и некои други информации кои сугерираат дека оваа серија ќе биде лансирана во втората половина на вториот месец. Во секој случај, очекуваме Samsung наскоро да го објави датумот на лансирање на претстојните смартфони.