Samsung од 2020. година го „рециклира“ дизајнот на своите паметни телефони, а се чини дека тоа ќе биде случај и со S23 моделите
Презентацијата на Samsung Galaxy S23 серијата смартфони се приближува, откако во претходниот период се дозна дека новите уреди ќе бидат прертставени на почетокот на февруари следната година. Многу информации за новите модели се познати веќе со недели, а сега на порталот 91Mobiles се појавија официјални рекламни фотографии кои го покажуваат дизајнот на Galaxy S23+ и S23 Ultra.
Според промотивните фотографии, „главната“ (signature) боја на Galaxy S23+ ќе биде розова, додека новиот Ultra модел најмногу ќе се прикажува во маслинесто зелена боја. Galaxy S23 и S23+ ќе останат без рамки околу камерите, но остатокот од дизајнот ќе биде речиси ист како кај претходните модели.
Додека Galaxy S23 и S23+ ќе добијат благо „освежување“, истото не може да се каже и за S23 Ultra, кој барем според овие фотографии, изгледа речиси идентично како неговиот претходник. Единствената промена што ја забележуваме е тоа што „прстените“ околу камерите сега се во бојата на мобилниот телефон, останатото е речиси исто.
Кога станува збор за спецификациите, сè уште ништо не е официјално потврдено, но се претпоставува дека целата Galaxy S23 серија ќе доаѓа со новиот Snapdragon 8 Gen 2 и дека Ultra моделот ќе има камера сензор со резолуција од 200 мегапиксели. Големината на сите модели треба да остане иста како кај S22 серијата, додека батериите би требало да имаат малку поголем капацитет.
Познато е со какви батерии и брзини на полнење ќе пристигнат Galaxy S23 моделите