Компанијата Xiaomi вчера ја лансираше Redmi K60 серијата паметни телефони. Беа претставени три модели – Redmi K60, Redmi K60 Pro и Redmi K60E.
Redmi K60 Pro
Овој смартфон има 6,67-инчен 2K дисплеј со стапка на освежување од 120 Hz. Максималната осветленост на екранот изнесува 1400 нита, под дисплејот има скенер за отпечатоци. Уредот го покренува процесор Qualcomm Snapdragon 8 Gen 2, поврзан со LPDDR5 RAM и внатрешна меморија UFS 4.0.
На задната страна на телефонот има три камери. Главниот сензор е Sony IMX800 од 50 MP со поддршка за OIS и EIS. Ултраширокиот сензор е 8 MP, а има и сензор за длабочина од 2 MP. Однапред се наоѓа сензор за селфи фотографии од 16 MP.
Автономијата на телефонот ја обезбедува батерија од 5000 mAh со поддршка за брзо полнење од 120 W. Уредот работи на MIUI 14 интерфејс, базиран на Android 13.
Redmi К60
Овој модел го има истиот екран како и Pro верзијата и скенер за отпечатоци под дисплејот. Уредот го покрениува Snapdragon 8+ Gen 1, поврзан со LPDDR5 RAM и UFS 3.1 простор за складирање. Стандардниот K60 има батерија од 5500 mAh со поддршка за брзо полнење од 67 W.
Во однос на камерите, телефонот има главна камера од 60 MP со поддршка за OIS, ултраширока камера од 8 MP и макро камера од 2 MP. И овој работи MIUI 14.
Redmi K60E
Ова е најевтиниот член на новата серија, кој го покренува неодамна лансираниот Dimensity 8200 чип.
Redmi K60E има Samsung OLED екран со дијагонала од 6,67 инчи со стапка на освежување од 120 Hz. На десната страна на телефонот има скенер за отпечатоци.
Задниот дел има сензор за главна камера од 48 MP со поддршка за OIS, ултраширок сензор од 8 MP и макро сензор од 2 MP. Однапред се наоѓа селфи камера со сензор од 20 MP. И тука има батерија од 5500 mAh со поддршка за брзо полнење од 67 W. Redmi K60E работи на Android 13 и MIUI 14.
Цените на смартфоните се следни:
Redmi K60
8GB + 128GB: 358 USD
8GB + 256GB: 387 USD
12GB + 256GB: 430 USD
12GB + 512GB: 473 USD
16GB + 512GB: 516 USD
Redmi K60 Pro
8GB + 128GB: 473 USD
8GB + 256GB: 559 USD
12GB + 512GB: 616 USD
16GB + 512GB: 660 USD
Redmi K60E
8GB + 128GB: 315 USD
8GB + 256GB: 344 USD
12GB + 256GB: 373 USD
12GB + 512GB: 401 USD
