Популарниот сајт Android Authority ги објави резултатите од гласањето на Reader’s Choice, со кое го избра смартфонот со најдобра камера во 2022 година.
Корисниците имаа можност да изберат од четири паметни телефони, кои беа најдобро оценети во прегледите на Android Authority. Во конкуренција беа камерите на следните телефони: Sony Xperia 1 IV, Google Pixel 7 Pro, Apple iPhone 14 Pro Max и Samsung Galaxy S22 Ultra.
На читателите им беа понудени фотографии, но не знаеја кој уред е користен за која фотографија. Имаа три дена да гласаат, а победникот беше „за влакно“ пред второпласираниот.
Посебно се истакнаа два телефони: iPhone 14 Pro Max и Google Pixel 7 Pro. Со разлика од само 0,02 поени, победи Pixel 7 Pro, како што е наведено на веб-страницата на Android Authority.
Who thought our readers like the iPhone's camera so much? https://t.co/ZfILefVHUL
— Android Authority (@AndroidAuth) December 23, 2022
Ова не е првпат Pixel 7 Pro да освојува награди на споменатиот сајт. Претходно оваа година, тој ги освои и наградите Editor’s Choice и Reader’s Choice за севкупно најдобар паметен телефон.
Резултатите од гласањето и фотографиите креирани од уредите кои беа во конкуренција можете да ги погледнете ТУКА.
Извор: B92.net