На интернет се појави кратко видео од Pixel 7a, кое открива дека уредот многу ќе личи на Pixel 7 и Pixel 6a, но со малку различни големини и пропорции, вклучувајќи ја и главната лента на камерата. Делот за поставки го прикажува името Pixel 7a, а содржи и информации дека уредот работи со софтвер за пред-тестирање.
Видеото покажува и нешто друго интересно – присуство на функцијата Smooth Display и поддршка за освежување на 60Hz и 90Hz. Една од главните забелешки кај Pixel 6a е стапката на освежување од 60 Hz, така што новиот уред ќе донесе очекувано подобрување. Уредот на видеото подоцна беше далечински заклучен од Google, но фотографијата открива дека вклучува 128 GB простор за складирање и 8 GB RAM, што е исто така убава надградба во однос на 6a.
Покрај новиот дисплеј со висока стапка на освежување, Pixel 7a очекуваме да понуди ажурирана камера со сензор на Sony, како и можност за безжично полнење. Очекуваме да остане и пристапната цена. И покрај изгледот на видеото, мораме да бидеме трпеливи, бидејќи премиерата на уредот најверојатно ќе се одржи на конференцијата Google I/O во мај.