Samsung ќе ја претстави својата флегшип серија Galaxy S23 на 1 февруари годинава. Сега естонската филијала на компанијата ги откри деталите за понудите за преднарачка на Galaxy S23 моделите.
Естонскиот трговец на мало Euronics откри примамлива понуда за преднарачка на моделот Galaxy S23. Така, сите оние кои однапред ќе нарачаат некој од Galaxy S23 уредите ќе ги добијат бесплатно слушалките Galaxy Buds 2 Pro.
Овие слушалки се меѓу најдобрите на пазарот и чинат околу 230 долари во САД. Се очекува Samsung да открие уште неколку зделки за преднарачки во наредните денови, кои најверојатно ќе вклучуваат часовници од серијата Galaxy Watch 5 итн.
Samsung Galaxy S23 серијата ќе вклучува три модели – Galaxy S23, Galaxy S23+ и Galaxy S23 Ultra. Дизајнот на Galaxy S23 и S23+ малку ќе се разликува од нивните претходници, додека S23 Ultra ќе задржи речиси идентичен дизајн со Galaxy S22 Ultra. Сите три смартфони на задната страна имаат три сензори за камера во низа, без никаков модул. Моделот Galaxy S23 Ultra има уште два камера сензори за камера покрај низата, кои другите два модели ги немаат.
Кога станува збор за деталите за камерата, се очекува дека моделот S23 Ultra ќе има главна камера од 200 MP, додека тоа нема да биде случај со другите два модели.
Galaxy S23 серијата ќе пристигне во само една верзија, со Snapdragon 8 Gen 2 чипсет на Qualcomm, но во специјално издание. На тој начин, европските корисници конечно ќе добијат модели со Qualcomm чип, а не со Exynos на Samsung, како што беше случај во претходните години.