Microsoft и Oreo повторно се здружија за да создадат специјално дизајнирано колаче.
Тоа се всушност шест различни дизајни на колачињата Oreo на темата на гејминг конзолата Xbox, од кои едно го содржи логото на Xbox, а останатите ги претставуваат копчињата на контролерот.
Колачето се заснова на класичната Oreo комбинација на колачиња и крем, но пакувањата ќе содржат специјални шифри за отклучување пакувања за тематски оклоп и сникови наменети за автомобили. Во играта Halo Infinite има тематски дизајниран оклоп, додека Forza Horizon 5 има нов скин за автомобили. За играта Sea of Thieves е подготвен скин за брод кој е повеќе црн отколку бела боја.
Специјалните пакувања со колачиња ќе бидат достапни во 22 земји, но додека има залихи. Microsoft не откри за кои земји станува збор. Сепак, се чини дека станува збор за европските пазари, а продажбата се очекува да започне на 16 јануари.
Ова не е прва соработка меѓу Microsoft и Oreo, бидејќи емотиконите на Oreo веќе постојат во Microsoft Teams од октомври минатата година. Oreo, исто така, произведе колаче Thins дизајнирано да промовира одмор од состаноците на Teams. Исто така, Microsoft ја објави верзијата Oreo на конзолата Xbox Series X во 2019 година.
Извор: Klix.ba
