Samsung потврди дека првиот Unpacked настан оваа година ќе се одржи на 1 февруари. За разлика од последните три изданија во екот на пандемијата, годинава настанот ќе се одржи во физички формат во The Masonic Auditorium во Сан Франциско. Како и обично, презентацијата може да се следи во живо преку веб-страницата на компанијата Samsung или преку YouTube со почеток во 19 часот.
Засега, Samsung не откри што точно ќе претстави на 1 февруари, но поканата укажува дека се работи за новата серија Galaxy S23 серија. На неа се прикажани три круга кои укажуваат на дизајнот на камерите на претстојните уреди. Компанијата сподели и детали за преднарачките во САД. Така, на пример, оние кои направиле резервација за еден уред ќе добијат кредит за купување од 50 долари во нејзината продавница и 100 долари кога ќе нарачаат два уреди.
Bring your epic moments into the spotlight. Join us at #SamsungUnpacked, on February 1, 2023.
Learn more: https://t.co/D6nxwskXj1 pic.twitter.com/jllmsDvWmD
— Samsung Mobile (@SamsungMobile) January 10, 2023
Од досега протечените информации знаеме дека Galaxy S23 серијата повторно ќе има три модели, а според гласините во сите региони ќе го користат чипсетот Snapdragon 8 Gen 2. Galaxy S23 Ultra можеби ќе понуди сензор од 200 MP наместо минатогодишниот 108MP, а кај Galaxy S23 и S23+ ќе бидат присутни камери од 50MP. Нема да има големи промени во дизајнот, но компанијата секако ни подготви изненадувања.