Samsung ќе ја претстави новата Galaxy S23 серија паметни телефони на 1 февруари. Во меѓувреме, сепак, се појавуваат се повеќе информации за уредите, кои барем во оваа фаза се неофицијални.
Пред извесно време протекоа наводни фотографии од моделите, а сега WinFuture сподели и официјални маркетиншки фотографии од стандардниот модел во линијата – Galaxy S23. Фотографиите ги прикажуваат сите главни карактеристики на дизајнот на уредот.
Galaxy S23 има рамен дисплеј и заден дел на кој се истакнати само прстените околу леќите на камерата, како и заоблена странична метална рамка. Се очекува уредот да биде достапен во четири бои – Botanic Green, Cotton Flower, Misty Lilac и Phantom Black.
Може да има и некои ексклузивни опции за бои кои ќе бидат достапни преку веб-страницата на Samsung.
Извор: WinFuture
Samsung ја закажа премиерата на Galaxy S23 серијата за 1 февруари (ВИДЕО)
