Досега можевме да видиме два извештаи во врска со цените на Samsung Galaxy S23 серијата. Сепак, најновиот е најинтересен за нас, европската публика, со оглед на тоа што ги вклучува европските цени на Galaxy S23 уредите.
Galaxy S23 серијата официјално ќе биде претставена на 1 февруари на Galaxy Unpacked настанот од Сан Франциско и ќе вклучува три смартфони кои ќе пристигнат како директни наследници на минатогодишните Galaxy S22 модели.
На Twitter, корисникот @BilbilKun објави колку ќе чинат претстојните уреди Стариот континент. Поточно, извештајот се однесува на францускиот пазар. Дојавувачот наведува дека стандардниот Galaxy S23 во Европа ќе се продава по цена од 959 евра за верзијата со 8 GB RAM и 128 GB простор за складирање, додека верзијата со 8/256 GB ќе чини 1019 евра.
PREMIERE
Official prices for Samsung Galaxy S23 Series in France
S23:
128GB: 959€
256GB: 1019€S23+:
256GB: 1219€
512GB: 1339€S23 Ultra:
256GB: 1419€
512GB: 1599€
1TB: 1839€— billbil-kun (@BillbilKun) January 18, 2023
Samsung Galaxy S23+ наводно ќе чини 1219 евра за верзијата со 8/256 GB, додека верзијата со 512 GB внатрешна меморија ќе чини 1339 евра.
И конечно, најскапиот модел – Samsung Galaxy S23 Ultra. Споменатиот инсајдер наведува дека овој телефон ќе чини 1419 евра за верзијата со 256 GB внатрешен простор за складирање. Верзијата со 512 GB, наводно, ќе чини 1.599 евра, а верзијата од 1 ТБ ќе се продава за 1.839 евра.
Samsung веќе отвори преднарачки за моделите Galaxy S23 во некои земји, заедно со специјални подароци. Се чини дека компанијата одлучи да посвети посебно внимание на перформансите на камерата на Galaxy S23 серијата оваа година. Така компанијата објави дека новите уреди ќе пристигнат со импресивни камери и дека пристигнуваат „прекрасни ноќни фотографии“, „мегапиксели што ќе ве натераат да кажете леле“ итн.