Остануваат навистина многу малку непознати детали кога станува збор за Samsung Galaxy S23 серијата. Секако, сите цени кои досега се појавија не се потврдени од Samsung, па се чини дека за тие детали ќе треба само да го чекаме официјалното претставување на смартфоните. Но, се чини дека некаде е веќе можно да се купи најскапиот член на оваа серија.
Во Никарагва, Samsung Galaxy S23 Ultra веќе е забележан во една продавница на мало. Локална продавница наречена KM CELL STORE сподели неколку фотографии на Фејсбук од Galaxy S23 Ultra во малопродажнат кутија, а една фотографија го прикажува уредот надвор од кутијата.
Тие наведуваат дека моментно нудат модел со 12 GB RAM и 512 GB внатрешен простор за складирање и дека веќе се подготвени за испорака до клиентите. Ниту една цена не е наведена со објавата.
Инаку, досега имавме можност да видиме три извештаи во врска со цените на Galaxy S23 серијата. Најновиот е најинтересен за нас, европската публика, со оглед на тоа што ги вклучува европските цени на Galaxy S23 уредите.
Според овој извештај, стандардниот Galaxy S23 во Европа ќе чини 959 евра за верзијата со 8 GB RAM и 128 GB просторт за складирање, додека верзијата со 8/256 GB ќе чини 1.019 евра.
Samsung Galaxy S23+ наводно ќе чини 1219 евра за верзијата со 8/256 GB, додека верзијата со 512 GB внатрешна меморија ќе чини 1339 евра.
Samsung Galaxy S23 Ultra наводно ќе се продава по цена од 1.419 евра за верзијата со 256 GB простор за складирање. Верзијата со 512 GB наводно ќе чини 1.599 евра, а верзијата од 1 TB ќе чини 1.839 евра.
