Се чини дека Xiaomi подготвува меѓународна премиера на голем број свои уреди пред претстојниот Мобилен конгрес во Барселона. Компанијата официјално објави дека тогаш ќе ги видиме смартфоните Xiaomi 13 и Xiaomi 13 Pro.
Освен нив, се чини дека компанијата ќе ги објави и Xiaomi 13 Lite, Watch S1 Pro, како и целосно безжичните слушалки Buds 4. Сега протече и наводната цена на слушалките.
Според @_snoopytech_, тие ќе бидат достапни во црна, зелена и бела боја и ќе чинат 59 евра. Слушалките Xiaomi Buds 4 се опремени со магнетни звучници од графин и имаат динамичен еквилајзер. Поседуваат и LHDC 5.0 и Hi-Res Audio сертификати, со дизајн на „вселенска капсула“.
Xiaomi Buds 4 coming to Global. White, Black and Green for €59 pic.twitter.com/uZ3fnuD0dk
— SnoopyTech (@_snoopytech_) February 14, 2023
Додадена е адаптивна технологија за намалување на бучавата која работи во реално време во согласност со околината. Има и независна технологија за сараунд звук, а секоја слушалка има три микрофони и технологија за вештачка интелигенција за подобрување на квалитетот на повиците. Достапен е и IP54 сертификат и траење до 6 часа на батеријата со едно полнење, како и вкупно до 30 часа со батеријата во куќиштето.