Како што беше најавено, преклопниот смартфон Oppo Find N2 Flip стана достапен на светскиот пазар.
Станува збор за телефон на преклоп за кој Oppo однапред прима однапред нарачки и кој чини 1.099 евра во Франција и Португалија и 1.049 евра во Шпанија. Цената за првите клиенти е пониска и изнесува 999 евра.
На тој начин, Find N2 Flip им се придружи на другите преклопни уреди од овој тип, како што се Samsung Galaxy Z Flip 4, Motorola Razr 2022 и Huawei P50 Pocket.
Моделот на Oppo е поголем од Galaxy Z Flip 4, со поголем внатрешен дисплеј од 6,8 инчи, но и поголем надворешен екран од 3,23 инчи. Резолуцијата и брзината на освежување се исти (1.080 x 2.520 пиксели, 120 Hz), но во случајот со Oppo, браздата на дисплејот е помалку изразена.
Find N2 Flip го покренува 4nm процесор Dimensity 9000+, кој е поврзан со 8, 12 или 16 GB RAM и 256 или 512 GB простор за складирање. Уредот користи ColorOS 13 интерфејс на Oppo врз Android 13. Доби главна камера од 50 MP, ултраширока камера од 8 MP со фиксен фокус и селфи камера од 32 MP со автофокус.
Смартфонот се напојува од батерија од 4.300 mAh, а сензорот за отпечатоци е поставен од страна.
Oppo ветува четири години големи надградби на Android и пет години безбедносни ажурирања.