Android 13 на Samsung базиран на One UI 5.1 интерфејсот дебитираше на Galaxy S23 серијата што беше претставена претходно овој месец, но сега новите опции се достапни и на многу претходни уреди.
One UI 5.1 апдејтот го добија: Galaxy S22, Galaxy S22+, Galaxy S22 Ultra, Galaxy S21, Galaxy S21+, Galaxy S21 Ultra, Galaxy S21 FE, Galaxy Z Fold4, Galaxy Z Flip4, Galaxy S20, Galaxy S20+, Galaxy S20 Ultra, Galaxy S20 FE 4G и Galaxy S20 FE 5G.
Листата објавена од Samsung ги вклучува и Galaxy Z Fold3 и Galaxy Z Flip3.
Меѓу иновациите што ги донесува ажурирањето на One UI 5.1 се Expert RAW, подобрениот Photo Remaster, Multi Control, како и новиот виџет за динамична временска прогноза. Во исто време, Samsung ги прошири Modes и Routinesза за да се овозможи прилагодување на wallpaper позадини, мелодии за ѕвонење, чувствителност на допир и фонтови, кои сега можат повеќе да се персонализираат.
Дополнително, One UI 5.1 го унапреди и Smart Suggestions виџетот со додавање на опцијата за препорака на песни од Spotify, како и плејлисти врз основа на активноста на корисникот.