Откако не успеа да понуди Fan Edition верзија на Galaxy S22, Samsung може да претстави таква варијанта на својот нов флегшип Galaxy S23. Според податоците од Јужна Кореја, компанијата го подготвува Galaxy S23 FE за деби во август или септември.
Се чини дека Samsung има намера да го замени Galaxy A74 со Galaxy S23 FE. А74 инаку би можел да биде модел од највисока класа во Galaxy A серијата, но постојат индикации дека компанијата се откажала од неговото претставување.
Потсетуваме дека првата FE варијанта се појави во 2020 година со Galaxy S20 FE. Потоа Samsung објави дека секоја година ќе има сличен уред во нивната актуелна флегшип серија смартфони. Како што веќе споменавме, евентуалниот Galaxy S22 FE сепак беше изоставен. Засега последен таков модел е Galaxy S21 FE.