Досегашната ексклузивна (и многу корисна) функција od Google Pixel телефоните, Magic Eraser е достапна и за корисниците на другите Android смартфони, па дури и на iPhone
Google Pixel серијата паметни телефони отсекогаш била позната по иновативните функции на камерата кои биле ексклузивни за овие модели. Една од оние функции што ги красат Pixel 6 и Pixel 7 е и Magic Eraser. Со него можете да ги избришете несаканите предмети и фотографии, како што се луѓе во позадина, жици и знамиња и други работи што ја расипуваат вашата совршена снимка. Од денес, Magic Eraser станува достапен за корисниците на сите други телефони со Android, па дури и на iPhone преку Google One.
Magic Eraser дебитираше во Pixel 6 серијата која ги вклучува Pixel 6, Pixel 6 Pro и подостапниот Pixel 6a, кој единствениот од овие модели е сè уште достапен за купување (Pixel 6 и 6 Pro се заменети со серијата 7). Секако, оваа функција ја користат и сопствениците на Pixel 7 и Pixel 7 Pro. Magic Eraser е една од причините зошто многумина посакаа Pixel телефон, но како што пишува Digital Trends ќе им се исполни желбата без да мора да купат некој од Pixel моделите.
Сепак, има едно ограничување. Magic Eraser е достапен во апликацијата Google Photos на телефоните со Android и iOS, но само ако имате активна претплата на Google One. За оние кои не се претплатници, ќе биде корисно да се знае дека Google One е услуга за складирање во облак и резервна копија на вашите фајлови и мобилни уреди и дека цените на претплатата се движат од два долари месечно за 100 GB до 25 месечно за 5 TB. Исто така, вреди да се спомене дека ако поседувате Pixel 5a или некој од претходните телефони на Google, можете да уживате во оваа функција без потреба од претплата на Google One.
Ова не е сè што беше најавено денес, бидејќи претплатниците на Google One добиваат и нов HDR видео ефект кој ќе ја подобри осветленоста и контрастот на видеата. Некои од новите стилови на колаж што можете да ги примените на фотографиите во Collage editor се исто така достапни за претплатниците.
Претплатниците на Google One на териториите на САД, Канада, Велика Британија или ЕУ добиваат и бесплатно испраќање на отпечатени фотографии доколку ја користат услугата Google Photos за печатење. Иако Magic Eraser не работи во апликацијата за камера како кај Pixel телефоните, секако е убаво да се види дека малку од „Google магијата“ во овој домен станува достапна надвор од Pixel серијата, која сè уште не е достапна на нашиот пазар, но може да се очекува наскоро.