Радосни вести пристигнуваат за сите љубители на гејмингот, бидејќи од денес PC Game Pass Preview, месечната претплата за игри на Xbox, за прв пат пристигнува во 40 нови земји, вклучувајќи ја и Македонија.
Почнувајќи од денеска, 28 февруари, инсајдерите можат да се регистрираат за PC Game Pass Preview, што ќе им овозможи моментен пристап до библиотеката која содржи стотици PC игри базирани на Windows, вклучувајќи нови изданија на Xbox Game Studios од првиот ден, легендарните игри Bethesda, EA Play членство и поволности во игрите на Riot наменети исклучиво за членовите. Новите наслови кои наскоро ќе бидат достапни со PC Game Pass ги вклучуваат Minecraft Legends, Redfall и многу други.
PC Game Pass ќе биде официјално лансиран во сите 40 земји за да можат играчите во следните месеци да уживаат во новото гејмерско искуство.
Во меѓувреме, играчите можат да се регистрираат и да се приклучат на инсајдерската програма за да го испробаат preview со преземање на апликацијата Xbox Insider Hub. По регистрацијата, играчите можат да му се приклучат на прегледот на PC Game Pass по посебна цена за да ја тестираат услугата во текот на првиот месец на користење.
Xbox е посветен на ширење на радоста и заедницата на игри на сите луѓе. Со проширување на 40 нови земји, PC Game Pass сега е достапен за гејмерската заедница во 86 земји низ светот за да уживаат во стотици игри заедно со пријателите и семејството.
Целосната листа на земји кои ќе имаат пристап до прегледот на PC Game Pass можете да ја погледнете ТУКА.