Во последно време се појавија многу детали за два од претстојните смартфони на Samsung кои би требало да пристигнат многу наскоро. Станува збор за Galaxy A34 и A54 уредите од средна класа и веќе има различни фотографии од нив, но познати се и нивните основни спецификаии.
Очекувањата се дека ќе бидат официјално претставени многу брзо, односно на 15 март. Во меѓувреме, токму на официјалниот веб-сајт на Samsung ан македонски јазик се појави страница која ја прикажува официјалната Samsung футрола за Galaxy A54.
Се работи за Smart View Wallet Case, односно футрола од типот на паричник со отвор што открива дел од екранот. Секако, нема ништо многу импресивно, но сепак веќе има официјални индикации за главните карактеристики на уредот. Потсетуваме дека Galaxy A54 се очекува да нуди AMOLED екран со дијагонала од 6,4 инчи, Full HD+ резолуција и брзина на освежување од 120 херци. Смартфонот ќе го покренува Exynos 1380 чипсет со 6/8 GB RAM и 128/256 GB простор за складирање датотеки.
Батеријата би можела да биде со капацитет од 5000 mAh со брзо полнење до 25 вати, а главната камера се чини дека е во конфигурација од 50MP + 12MP + 5MP. Телефонот ќе нуди IP67 сертификат.