Според информациите од различни извори, Apple се подготвува да го претстави новиот iPhone 14 во жолта боја. Станува збор за комбинација која не е видена кај некој паметен телефон на Apple уште од 2019 година
Освен црна, виолетова, сина, црвена и бела, iPhone наскоро може да дојде во уште една боја. Според информациите објавени од Setsuna Digital на Weibo, Apple овој месец ќе ги лансира iPhone 14 и 14 Plus во жолта боја.
Иако Setsuna Digital не е популарен дојавувач на Weibo, пристигнувањето на жолтиот модел на iPhone 14 независно го потврди порталот 9to5Mac, додека MacRumors од неколку извори дознава дека ПР тимот на Apple следната недела планира да претстави нешто ново, што би можело да биде само – iPhone во нова боја.
iPhone 14 in new Yellow finish
made by @aaple_lab | Based on leaks #iPhone14 #aaple_lab #Apple pic.twitter.com/S5bVe8N7cy— Kostiantyn Konovalov (@aaple_lab) March 3, 2023
Корисникот на Twitter, Костиантин Коновалов, попознат по прекарот aaple_lab објави рендери кои покажуваат како моделите на iPhone 14 и 14 Plus може да изгледаат во жолто.
Да потсетиме, првиот iPhone во жолта боја беше моделот 5C, кој беше претставен во 2013 година. После тоа, Apple го претстави жолтиот iPhone XR во 2018 година, а една година подоцна пристигна и жолтиот iPhone 11. Па така, доколку овие гласини се покажат точни, нема да биде прв пат технолошкиот гигант од Купертино да се одлучи за оваа боја.