Компанијата realme претстави нов модел во C серијата наречен realme C55, а се одликува со решение наречено Mini Capsule, кое многу наликува на функционалноста на Dynamic Island на Apple.
Сепак, Mini Capsule системот е многу поограничен, бидејќи покажува само податоци за батеријата, вклучително и при полнење. Во подоцнежна фаза, ќе се визуелизираат повеќе преземени чекори и потрошени податоци.
Realme C55 се одликува со дисплеј со дијагонала од 6,72 инчи, Full HD+ резолуција, стапка на освежување од 90 херци и осветленост до 680 нита. Има и punch-hole отвор за селфи камерата од 8 мегапиксели. Телефонот користи Helio G88 чипсет во комбинација со 6/8GB RAM и 256GB простор за складирање што може да се прошири.
Батеријата има капацитет од 5000 mAh, поддржувајќи моќност на полнење до 33 вати. Главната камера е двојна со главен сензор од 64 MP и втор за бока ефекти. Останатите параметри вклучуваат Android 13 со realme UI 4.0, странично поставен читач за отпечатоци и 3,5 милиметарски приклучок за слушалки.
Телефонот дебитираше во Индонезија во црно-жолта градиент боја, но се очекува да пристигне и во Европа. Неговата цена изнесува 2.499.000 рупии (150 евра).
