Флегшип модел на новата Galaxy A серија на Samsung ќе биде Galaxy A54, кој ќе биде претставен веќе следната недела
Samsung Galaxy A5X серијата е една од најпопуларните меѓу корисниците, а наскоро добива и ново освежување. Според информациите кои на почетокот на месецот ги објави дојавувачот Стив Х. МекФлај, а подоцна ги потврди и јужнокорејската компанија, претставувањето на моделот А54 е закажано за следната недела, поточно на 16 март.
Како што обично се случува, на веб-страницата на Samsung веќе се појавија рекламни фотографии на кои е прикажан Galaxy A54 во неколку бои, со систем на камери што изгледа слично на оној што ја краси значително поскапата Galaxy S23 серија паметни телефони на компанијата.
Samsung не ги откри точните спецификации, но истакна дека A54 ќе има остри детали и флуиден и јасен екран, подобрени камери со оптичка стабилизација за подобри ноќни фотографии, моќна батерија и подобри 5G перформанси.
Water’ you worried about? It’s time to sail through every spill with an awesome partner in hand. Stay tuned to #AmpYourAwesome.
Register now at : https://t.co/qhngEP8Ub0. #AwesomeIsComing #AwesomeIsForEveryone #AwesomeGalaxyA #Samsung pic.twitter.com/LLVAdUqeRU— Samsung India (@SamsungIndia) March 10, 2023
Сепак, според неофицијалните информации добиени од различни дојавувачи во последните месеци, Galaxy A54 ќе има 6,4-инчен AMOLED екран со брзина на освежување од 120 Hz и Full HD резолуција. На задната страна ќе има главна камера од 50 мегапиксели, ултраширока камера од 8 мегапиксели и помошен сензор од 2 MP. Предната камера од 32 MP ќе биде одговорна за селфи фотографии и видео повици.
Се наведува дека Galaxy A54 ќе го покренува Exynos 1380 чипсет поврзан со до 8 GB RAM и до 256 GB простор за складирање. Ќе има батерија од 5.000 mAh со поддршка за полнење од 25 вати, IP67 сертификат за отпорност на вода и прашина и 3,5 милиметарски приклучок за слушалки. Ќе пристигне во зелена, виолетова и црна боја, а неговата почетна цена ќе биде нешто повисока во однос на моделот А53.