iPhone 15 Pro Max би можел да ги има најтенките странични рамки околу екранот, надминувајќи го рекордот на сегашниот рекордер Xiaomi 13. Дојавувачот @UniverseIce откри дека следната генерација на Pro смартфони на Apple ќе има доста помали рамки околу дисплејот во однос на актуелните модели.
Тој истакнува дека iPhone 15 Pro Max ќе има рамки со ширина од само 1,55 милиметри. За споредба, ширината на iPhone 14 Pro е 2,17 mm, а Samsung Galaxy Ultra S23 е 1,95 mm.
iPhone 15 Pro Max will break the record of 1.81mm bezel black edge held by Xiaomi 13, and we measure that its cover plate black bezel width is only 1.55 mm.（S22 and S23 ≈1.95mm，iPhone 14 Pro 2.17mm） pic.twitter.com/9TBrVCGSCo
— Ice universe (@UniverseIce) March 17, 2023
Според гласините, рамките околу екранот на сите нови модели ќе бидат малку закривени на рабовите, слично како кај iPhone 11 серијата. Инаку, големините на екранот ќе бидат исти како минатогодишните смартфони.
Дојавувачот претходно сподели и CAD фотографии со димензиите на iPhone 15 Pro Max, што изгледа дека ќе има покомпактно тело и модул за камерата со помало испакнување.