Samsung ја подготвува својата следна генерација паметни часовници Galaxy Watch6, која се очекува да пристигне заедно со новите смартфони на компанијата со екрани на преклопување, најверојатно во август. Во меѓувреме, сведоци сме и на првите позначајни информации за идните уреди за носење.
Станува збор за димензиите и капацитетот на батеријата на стандардните модели. Galaxy Watch6 и Watch6 Classic ќе пристигнат во две големини, а информациите доаѓаат од нивното поминување низ процесот на сертификација во Кина.
Така дознаваме дека Galaxy Watch6 40mm и Galaxy Watch6 Classic 42mm ќе имаат батерии со капацитет од 300 mAh. Поголемите Watch6 44mm и Watch6 Classic 46mm ќе имаат батерии со капацитет од 425 mAh.
За споредба, Galaxy Watch5 вклучува 284 mAh и 410 mAh за големини од 40 и 44 милиметри, соодветно. Неодамна, исто така, имаше гласини дека Samsung може да додаде ротирачка рамка за навигација на Watch6 Pro моделите.