Samsung Galaxy Z Flip5 и Fold5 ќе бидат претставени наесен, а веќе се појавија информации за тоа што можеме да очекуваме од новите смартфони на преклопување
Една од двете големи премиери на Samsung, кога станува збор за телефоните заврши – Galaxy S23 серијата е веќе зад нас, а на повидок се новите флексибилни модели – Samsung Galaxy Z Flip5 и Fold5. Затоа и не е премногу чудно што веќе почнаа да се појавуваат нови информации за уредите кои треба да ги видиме наесен.
Еден од најпознатите инсајдери IceUniverse сподели прелиминарни детали за спецификациите за новата генерација модели со флексибилни екрани. Најголемата промена кај моделот Z Flip5 е поголемиот надворешен екран, за кој се вели дека ќе пристигне со големина од 3,4 инчи, што е сериозна разлика во однос на 1,9 инчи кај Galaxy Z Flip4.
Доколку оваа информација се покаже како точна, надворешниот дисплеј ќе биде поголем и од 3,26-инчниот панел на Oppo N2 Flip, а соодносот треба да биде 1:1.038, што е речиси квадрат.
Disclose some Fold5/Flip5 specifications. I mentioned them before, but now I'm putting them together.
1. Both Fold5 and Flip5 adopt water droplet hinges and support IPX8 level waterproof.
2. The size of Fold5 is only 0.2mm different from that of Fold4, which can be almost… https://t.co/yEiPfgYQF1
— Ice universe (@UniverseIce) March 19, 2023
Што се однесува до внатрешниот дисплеј, IceUniverse вели дека Flip 5 ќе може да се пофали со потесни рамки и ќе има нов тип на шарка во облик на капка вода за да се скрие јазот помеѓу двете половини кога телефонот е преклопен.
Од друга страна, попопуларниот Galaxy Z Fold5 треба да го задржи екранот од 6,2 инчи како својот претходник, но сепак ќе биде за 0,2 мм потесен од сегашниот модел. И овој телефон ќе користи шарка во облик на солза за да помогне да се сокријат наборите и да се елиминираат празнините кога смартфонот е преклопен. Fold5 ќе биде потенок од неговиот претходник со 13 мм кога е преклопен, во споредба со 15,8 мм на Z Fold4, но и малку полесен со 254 наспроти 263 грама, ако некој воопшто може да ја почувствува разликата.
The external screen scale of the Galaxy Z Flip5 is 1:1.038, so basically we can think of it as a square.
— Ice universe (@UniverseIce) March 20, 2023
Очекувано, двата телефони со екрани на преклопување ќе бидат опремени со Snapdragon 8 Gen 2 for Galaxy чипсетот и ќе донесат IPX8 сертификат за отпорност на вода.