Динамичниот остров наменет за нотификации и други функции е доста популарна функција кај iPhone 14 Pro, а истата функција веќе некое време е достапна и на телефоните со Android. Ова е една од најпопуларните апликации која го овозможува токму тоа
Бидејќи популарниот динамичен остров првпат се појави на iPhone 14 Pro моделите, не требаше долго време за да се појави функцијата на паметните телефони со Android. Се разбира, за да се овозможи ова, мора да се инсталира една од апликациите, а dynamicSpot сè уште се наметнува како една од најпопуларните и најдобрите.
Оваа апликација е преземена повеќе од пет милиони пати, што не само што сведочи за тоа колку на корисниците на Android уредите им се допаѓа оваа функционалност, туку и колку е верна апликацијата dynamicSpot во реплицирањето на оваа функција на Android.
Самата апликација е лесна за користење и прилагодување, но треба да имате на ум дека треба да и се дадат соодветни привилегии за да може да работи. За среќа, сè ќе се прилагоди веднаш по првото лансирање на апликацијата, а откако се е подготвено, можно е да се прилагодат дополнителни параметри и да се персонализира апликацијата на одредено ниво.
Основната верзија на апликацијата е бесплатна, но затоа е ограничена во можности. Но, кој е подготвен да плати 3,98 евра, ќе ги отстрани ограничувањата и ќе добие работи како можност за прикажување на заклучениот екран, поставување на интерактивниот остров да се прикажува секогаш, подесување на дополнителни дејства и многу повеќе. Со други зборови, сите оние кои сакаат да имаат интерактивен остров типичен за iPhone на Android, ќе го добијат токму тоа со оваа апликација.