Заедно со премиерата на Huawei P60 серијата, флексибилниот смартфон Mate X3, Watch Ultimate, MateBook X Pro и FreeBuds 5 слушалките, компанијата откри и кога ќе се одржи европската премиера за повеќето од нив. Претставувањето ќе се одржи на 9 мај во Минхен, кога ќе дознаеме повеќе детали за почетокот на продажбата и цените.
Од најавата на компанијата, јасно е дека само P60 Pro моделот ќе биде достапен во Европа од трите модели на P60 серијата, што не е изненадувачки, бидејќи само Mate 50 Pro присигна наесен на европскиот континент. Другиот паметен телефон што ќе пристигне на Стариот континент е Mate X3 со екран на преклопување, кој нуди голем број подобрувања, вклучително и водоотпорност.
На 9 мај во Европа ќе биде ланисран и Huawei Watch Ultimate, а компанијата во текот на годината ќе претстави и други модели кои ќе поддржуваат eSIM – најверојатно Watch 4 серијата. Другите два нови производи кои ќе бидат презентирани во Минхен се тенкиот и лесен лаптоп MateBook X Pro и безжичните слушалки FreeBuds 5.
Huawei ја објави новата P60 серија која вклучува три смартфони
Huawei Mate X3 претставен со подобрен механизам на преклоп и водоотпорност