Покрај iPhone 15 уредите со USB-C приклучок кои пристигнуваат наесен, Apple планира оваа година да се ослободи од Lightning портот и на своите AirPods Pro 2 слушалки.
Apple неодамна ја објави верзијата за програмери на iOS 16.4, во која се наоѓа рефернца за новиот модел на AirPods со број A3048 и нивниот нов број на куќиште A2968. Според тврдењата на најпознатиот аналитичар на Apple, Минг Чи-Куо, тоа би требало да се AirPods 2 Pro слушалките со USB-C порт.
„Сметам дека ова е веројатно USB-C верзијата на AirPods Pro 2, која ќе започне со масовно испорака во вториот и третиот квартал на 2023 година“, напиша Куо на Твитер, истакнувајќи дека во моментов нема планови за USB-C верзија на стандардните AirPods слушалки.
I think this is likely the USB-C version of the AirPods Pro 2, with mass shipments expected in 2Q23-3Q23. By the way, Apple currently appears to have no plans for USB-C versions of the AirPods 2 & 3.
我覺得這應該是AirPods Pro… https://t.co/aWKJvGh1lW
— 郭明錤 (Ming-Chi Kuo) (@mingchikuo) March 24, 2023
Деталите се уште не се откриени, па засега не се знае дали USB-C верзијата на AirPods 2 Pro ќе биде иста како онаа со Lightning или ќе има и некои други промени. Поради новата регулатива на Европскиот парламент, потсетуваме дека Apple оваа есен ќе ја претстави iPhone 15 серијата со USB-C приклучок наместо Lightning.