Заедно со Galaxy S23 серијата, компанијата Samsung ја испорача и најновата подверзија на својот кориснички интерфејс на почетокот на минатиот месец – One UI 5.1. Пристигна со некои нови функции, а некои од нив се ексклузивно резервирани само за Galaxy S23 уредите. Но, една од нив наскоро би можела да пристигне и на некои други Galaxy телефони.
Една од корисните функции што ја донесе најновиот One UI 5.1 со себе е Image Clipper. Сепак, оваа функцоналност беше исклучивоо резервирана за Galaxy S23 серијата, но сега пристигнуваат информации дека тоа може да се промени.
Најновиот извештај што го пренесува порталот Sammobile известува дека постарите флегшип серии на Samsung, поточно Galaxy S22 и Galaxy S21 ќе ја добијат оваа функција следниот месец. Не се споменуваат други телефони, но очекуваме да видиме дали оваа функција ќе се пробие и до другите Galaxy телефони следниот месец.
Samsung to support S21, S22 Image Clipper in April pic.twitter.com/JpT3LYwItY
— Revegnus (@Tech_Reve) March 28, 2023
Image Clipper е функционалност која ви овозможува да изберете објект од фотографија и да го отстраните. Потоа можете да го копирате, да го споделите или да креирате стикер. Оваа функција работи на целата Galaxy S23 серија и не бара користење на S-Pen.