Ако не поседувате Google Pixel телефон, а сте посакале да ги користите функциите што ги нуди Pixel launcher, Pixel Search е апликација за вас.
Во морето апликации достапни за Android, има и бројни launcher програми, односно апликации кои го менуваат почетниот екран на телефонот и овозможуваат стартување на апликации и виџети. Сепак, тие генерално не го обезбедуваат искуството што го нуди Google на своите Pixel уреди преку Pixel Launcher. Проблемот е што launcher-от на Pixel е ексклузивен за Google Pixel телефоните, но како што известува Android Authority, има нова апликација која треба да го направи тоа искуство достапно за сите.
Апликацијата се вика Pixel Search и може од неодамна да се најде во Google Play продавницата. Апликацијата е креирана од Рушкикеш Камевар, кој е и автор на апликации како што се Pinned Shortcuts, Privacy Dashboard и One Click Lock Screen. Pixel Search е дизајниран да го имитира искуството со пребарување на Pixel Launcher, што го прави достапно за сите корисници на Android.
По инсталацијата, може да го стартувате Pixel Search со допирање на иконата на апликацијата или преку неговиот додаток Material You. Виџетот нуди и кратенки за Google Discover и Google Voice пребарување.
Забележливо е дека корисничкиот интерфејс на апликацијата е сличен на изгледот на Pixel Launcher. Корисникот е го дочекува екран за пребарување со поле за search на врвот, како и предлози веднаш под него. Има и листа на други пребарувачи достапни во апликацијата. Сепак, Pixel Search нуди и неколку опции што нема да ги најдете во оригиналниот Pixel Launcher, вклучувајќи ги Netflix, Twitter, Bing и Spotify.
Pixel Search им овозможува на корисниците и да ги приспособат поставките. Со допирање на трите вертикални точки, можно е да се промени темата, да се изберат кои апликации корисникот сака да ги користите за пребарување и да се вклучат поединечни кратенки за резултатите од апликациите. Исто така, можно е да се изберат групи за пребарување, како што се веб-пребарување, контакти, апликации, фајлови или кратенки во апликациите. Покрај тоа, постои опција специфична за Pixel Search која овозможува автоматски да се отвори првиот резултат.