Постојат индикации дека Google развива нова функционалност за своите Pixel паметни телефони Pixel. Станува збор за воведување варијација на опцијата Find My Device, за наоѓање изгубени уреди, која ќе работи дури и кога телефонот е исклучен.
Apple нуди слична опција за различни типови уреди. Можно е Google да ја претстави новата опција под името Pixel Power-off Finder, која ќе се потпира на сигналите преку Bluetooth Low Energy.
Засега не е јасно дали новиот додаток, кој би требало да биде претставен со Android 14, ќе биде достапен само за Pixel паметните телефони или ќе стигне и до другите модели. Следната верзија на оперативниот систем се очекува да биде објавена следниот месец за време на Google I/O 2023 конференцијата.