Во последните недели, се појавија многу детали за првиот телефон на Google со екран на преклопување, како и негови рендери, а во меѓувреме го добивме првиот поглед на вистинскиот уред. Станува збор кратко видео објавено на Twitter, кое го прикажува Pixel Fold во процесотна превиткување и расклопување.
Видеото не открива многу детали, но покажува релативно широки рамки околу главниот екран и едвај забележлив набор на средината од дисплејот. Преклопувањето и расклопувањето се мазни, но не можеме да видиме дали има јаз меѓу двата дела кога се превиткуваат – гласините велат дека нема да има.
😉😉😉 pic.twitter.com/zTpEo18K4y
— Kuba Wojciechowski :3 (@Za_Raczke) April 22, 2023
Забележуваме уште две камери – над главниот дисплеј и во надворешниот, но не може да се види како ќе изгледа задниот дел на уредот. CNBC неодамна објави дека уредот ќе биде водоотпорен и ќе ги нуди најсилните шарки во некој телефон на преклоп.
Во однос на спецификациите, Pixel Fold се очекува да понуди 5,8шинчен FHD+ OLED надворешен дисплеј и 7,6″ главен екран. Други карактеристики вклучуваат Tensor G2 чип, 12 GB LPDDR5 RAM и примарна камера со главен сензор од 48 MP и две камери од 10,8 MP со телефото и оптика со ултраширок агол. Уредот би можел да дебитира следниот месец на конференцијата Google I/O 2023 година.