Апликацијата Galaxy Enhance X отсега може да ја користат сите оние кои имаат некој од паметните телефони од Galaxy S23 серијата на Samsung
Речиси три месеци по претставувањето на Samsung Galaxy S23 серијата смартфони, апликацијата Galaxy Enhance-X на компанијата пристигнува на флегшип триото паметни телефони. Станува збор за апликација која користи вештачка интелигенција за уредување фотографии, нудејќи им на корисниците мноштво опции со кои можат да си „играат“.
„Корисникот може да користи техники засновани на вештачка интелигенција за да ги поправи и подобри фотографиите зачувани во галеријата. Можно е да се отстрани несаканото заматување, рефлексии, а во исто време да се изостри и подобри резолуцијата, динамичкиот опсег и да се осветлат фотографиите направени во услови на слаба осветленост“, објаснуваат од Galaxy Store.
Корисниците на кој било од Galaxy S23 моделите можат бесплатно да ја преземат апликацијата Galaxy Enhance-X во Galaxy Store. Како што пренесува SamMobile, се очекува наскоро да можат да го користат и оние кои имаат мобилни телефони од поевтината А серија на Samsung.